Rose عاداتك الغريبه........ يلاالكل يدخل يعترف بسرعه.. من غير احراج...!!

السلام عليكم ورحمة اللة وبركاتة

ازيكم يا حلوين

عاملين اية؟؟:shiny01:
يارب تكونو بخير و تمام ....

ندخل بقي في الموضوع:msn-wink:

كل واحد فينا لة عادات وطقوس مختلفة عن الاخرين

وانتا نفسك بتبقي عارف ان مفيش حد بيعمل العادات والطقوس الي انتا بتعملها دي

يعني بتبقي حاسس جواك ان مفيش حد بيعمل الحاجات دي الا انتا

يعني مثلا خدو عندكو ...........


انا مثلا معرفش معرفش اقعد مستريحه لو شفت جزمة او شبشب مقلوب مثلا لازم اعدلة واحطة بعيد عني

لاني ساعة ما بلاقي حاجة زي كدة بكون متنرفزه جدا

وكمان كنت لما احب اذاكر مكنتش احب اقعد علي مكتب وكرسي وكدة لالالا كنت بفضل اتمشى فى اى مكان و اتكلم بصوت عالى لغايه لما اصدع ... لدرجه ان اللى فى البيت بيهربوا:365:

و مثلا فى الشتاء ... لما اجى اتغطى لازم اغطى وشى و ابعد الغطاء عن رجلى..... معرفش ايه الغلاسه دى ... بحب اعذب رجلى و اسيبها متلجه طول الليل...:bleh:

و ...لما اجى اقعد على الكمبيوتر.. لازم اقعد على مخده و جمبى ماج نسكافيه... لو محصلش كده .. بسيب الجهاز بعد 5 دقائق...

ممم و كمان انا مش بحب احلى ... ديما احب احدء..:shiny01:
يعنى لو اكلت حاجه حلوه لازم اختم الاكل بحاجه حدقه.. ان شالله لو اكلت قطعه بسبوسه .. بروح اكل بعدها شيبسى او جبنه رومى ...


و كمان معرفش اقعد فى اوضه غير لما يكون بابها مقفول و الاضاءه خافته .... قال يعنى بحضر ارواح... اصلى بكره الاضاءه بليل اوى غير لما اكون هذاكر او هقرأ حاجه مثلا بكون مضطره بقى .... امرى لله ..





وفي امثلة تانية كتير بس متهيالي كفاية كدة لان بدات ادرك ان حياتي كلها غريبة

يالا راقب نفسك وشوف انتا بتعمل اية غريب وعاداتك الغريبة دي اية وتعالي احكيلنا:give_rose:
توقيع moora

الحــــــــــــــــــــــــــمــــــــــــــــــــ ـــــــــد لــــــــــــــــــــــلــــــــــــــــــــــــــ ه



الـــــلــــــى دآآآآآق النــــــآآآآر و جـــــرب .. مـــــــن الرمــــــــآآآآآآد بيخـــــآآآآآف يقــــــــرب ..[flash][/flash]

Admin كتب:

شكرا يا عمر ياحبيبى انا المدير انا شايف ان عندك مشاركات جديده ونتمنى المزيد

ايالا يا مان عايزين جديد